ВОХӮРИИ ВАЗИРИ МЕҲНАТ, МУҲОҶИРАТ ВА ШУҒЛИ АҲОЛИИ ҶУМҲУРИИ ТОҶИКИСТОН БО НАМОЯНДАГОНИ ШИРКАТИ TELC GMBH (ОЛМОН)
Дар натиҷаи гуфтушунидҳои қаблӣ Ёддошти тафоҳум байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва ширкати TELC GmbH ба имзо расидааст. Санади мазкур шароити зарурии зеринро фароҳам меорад:
• ташкили санҷишҳои расмии донистани забони олмонӣ дар Тоҷикистон;
• такмили ихтисоси омӯзгорони забони олмонӣ;
• васеъ намудани шабакаи курсҳои таълимии забони олмонӣ дар шаҳру ноҳияҳои ҷумҳурӣ;
• омодасозии мутахассисон барои фаъолияти касбӣ дар Олмон.
Баъд аз гуфтушунидҳо Вазири меҳнат, муҳоҷират ва шуғли аҳолии Ҷумҳурии Тоҷикистон муҳтарам Солеҳа Холмаҳмадзода бо меҳмонон ба Муассисаи давлатии «Маркази рушди ҳунармандӣ ва малакаҳои касбии муосир» ташриф оварданд ва аз ҷараёни дарсҳои забони олмони, қаннодӣ , кафшергарӣ ва таъмири автомобилӣ дидан намуданд.
