МАҶЛИСИ ТАНТАНАВӢ БАХШИДА БА 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН
Санаи 4 сентябри соли 2026 дар Муассисаи давлатии «Маркази рушди ҳунармандӣ ва малакаҳои касбии муосир» бахшида ба 35-солагии Истиқлоли давлатии Ҷумҳурии Тоҷикистон маҷлиси тантанавӣ баргузор гардид.
Дар чорабинӣ роҳбарияти Марказ, кормандони дастгоҳи марказӣ ва намояндагони филиалҳо дар шаҳри Душанбе ва ноҳияи Шоҳмансур иштирок намуданд.
Маҷлиси тантанавиро директори Марказ Маҳмудова Х. М. ифтитоҳ намуда, ҳозиринро ба муносибати ин ҷашни бузурги миллӣ табрик гуфт. Зимни суханронӣ таъкид гардид, ки Истиқлоли давлатӣ дастоварди бузурги таърихии миллати тоҷик буда, барои бунёди давлати соҳибихтиёр, демократӣ, ҳуқуқбунёд, дунявӣ ва иҷтимоӣ заминаи устувор фароҳам овард.
Сипас, муовинони директор Шамсов Р. ва Давлатов Б. суханронӣ намуда, ҳозиринро ба муносибати 35-солагии Истиқлоли давлатӣ самимона табрик карданд.
Дар фарҷоми чорабинӣ як қатор кормандони фаъол барои фаъолияти намунавӣ, меҳнати содиқона ва саҳми арзанда дар рушди соҳаи меҳнат ва шуғли аҳолӣ бо Ифтихорномаи Марказ қадрдонӣ гардиданд.
Роҳбарияти Марказ кормандони қадрдонишударо самимона табрик намуда, ба онҳо саломатии бардавом, нерӯи тоза, фаъолияти пурсамар ва комёбиҳои нав ба нав орзу менамояд.
